Áður en þú pantar

 

 

Til þess að panta sérskreytingu er fyrst valin bragðtegund og svo er hakað við séróskir. Þá geturðu hengt við mynd og/eða skrifað lýsingu á þeirri skreytingu sem óskað er eftir. Athugið að mynd getur sagt meira en þúsund orð. Allar bragðtegundirnar okkar 17 talsins, geta verið skreyttar eftir þínum óskum svo framarlega sem hægt sé að útfæra óskirnar í smjörkremi þar sem við vinnum ekki með sykurmassa. Kökurnar eru þá fylltar með þeirri bragðtegund sem valin er og svo er lag af kremi utan á þeim í þeim litum sem óskað er eftir.  Athugið að við notum líka frekar dempaða liti því allir sterkir og dökkir litir eiga það til að smitast vel á tennur og munn og þaðan jafnvel í fatnað. Ef notaðir eru sterkir/dökkir litir er farið mjög sparlega með.

Gott er að styðjast við myndir af skreytingum sem að við höfum framkvæmt áður. Hafið í huga að hver kaka er einstök og engar tvær kökur alveg eins, jafnvel þó farið sé eftir mynd. Við gerum þó okkar besta við að fara eftir óskum viðskiptavina en athugið að litir geta verið mjög mismunandi frá einum skjá til annars og erfitt að fara eftir mjög nákvæmum lita-óskum.  Ef óskað er eftir skreytingu sem við höfum ekki gert áður förum við frammá að hún sé send á okkur áður en pantað er, annað hvort á facebook skilaboðum eða tölvupósti. Sé það tilfellið lengist fyrirvarinn úr þremur dögum í fimm virka daga. Annars getum við ekki tryggt að við náum að afgreiða pöntunina eins og óskað er eftir.

 

Hægt er að skoða öll myndaalbúminum okkar hér. Við erum einnig með fleiri myndir á facebook síðunni okkar hér.

 

 

Stærðir

Stærðin á kökunni hefur áhrif á lögunina á kökunni.

8 manna kökur eru 15cm í þvermál og ca 8cm á hæð

12 manna kökur eru 15cm í þvermál og ca 12cm á hæð

16 manna kökur eru 22cm í þvermál og ca 8cm á hæð

20 manna kökur eru 22cm í þvermál og ca 12 cm á hæð

30 manna kökur eru á tveimur hæðum og neðri hæðin er 22cm í þvermál.

45 manna kökur eru á tveimur hæðum og neðri hæðin er 22cm í þvermál. Neðri hæðin er með spjald í miðjunni til þess bæði að styðja við þungan og einnig svo hægt sé að skera í hæfilegar sneiðar. Því er í raun eins og kakan sé á þremur hæðum.

 

Þemakökur

Myndaalbúm

Við getum gert skreytingar fyrir alls konar þema.

Við gerum fígúrukökur samanber einhyrninga, kanínu og kisukökur. Á þeim kökum þar sem að andlitið er á hliðinni á kökunni þurfa kökurnar að vera 12 eða 20 manna þar sem að aðrar stærðir eru of lágar til að það komi vel út.

Við getum einnig notað lítil leikföng og fígúrur í skreytingarnar eins og fyrir Lol kökur. Það er þá hægt að taka það fram við pöntun svo að við getum gert ráð fyrir því í skreytingunni eða komið með dótið í næsta útibú svo að svo við getum sent það í bakaríið okkar.

 

Kynjakökur

Myndaalbúm

Kynjakökur þurfa að vera pantaðar með lágmarks þriggja daga fyrirvara eins og aðrar tertur. Þá er valin bragðtegund og hakað við séróskir. Svo þarf að koma kynjaumslaginu til okkar deginum áður en afhenda á kökuna.

 

Skilti

Við getum prentað myndir og texta á sykurmassaskilti. Við getum þá skreytt kökur í litaþema við myndirnar sem eru á skiltunum ef þess er óskað. Athuga þarf að við getum einungis prentað út teiknaðar myndir, sem sagt ekki ljósmyndir, þar sem að prentarinn okkar er ekki nógu fágaður til þess að prenta með mikilli nákvæmni.

 

Nafnaskilti

Við getum prentað út nafnaskilti á sykurmassa en fyrir nafnastanda með útskorin nöfn mælum við með 29 línum https://www.29linur.com/voruflokkur/utskurdur/

 

Lifandi blóm

Við sjáum ekki fyrir lifandi blómum en við getum látið gerviblóm á kökurnar sé þeim er komið til okkar með þriggja daga fyrirvara. Við sjáum ekki um að láta lifandi blóm á kökurnar því að þau eru mjög viðkvæm og fölna auðveldlega ef þau eru ekki geymd við réttar aðstæður. Því er best af við gerum ráð fyrir þeim í skreytingunni og svo eru blómin látin á sinn stað rétt áður en að bera á kökurnar fram.

 

Litir og skreytingar

Þar sem við erum að handblanda litina í kremunum okkar er ekki hægt að lofa að þeir verði alltaf eins. En við reynum okkar besta að koma sem næst þeim litum sem að eru í myndunum sem að fylgja með pöntunum. Smjörkrem er einnig ekki  alveg hvítt heldur er alltaf smá gulur keimur í því þannig að það getur haft áhrif á litablöndunina. Hafið í huga að hver kaka er einstök og hver og einn af okkar starfsmönnum hefur sinn stíl, því eru engar tvær kökur alveg eins.

Við getum ekki gert sterka liti eins og svartan, dökkrauðan eða dökkbláan án þess að nota það mikinn matarlit að hann smitast í munninn á fólki.

 

Vegan skreytingar

Ekki allir matarlitir sem við notum eru vegan þannig að við gætum þurft að breyta litaskemanum til þess að kakan haldist vegan. Einnig er vegan krem ekki jafn stíft og smjörkremið okkar þannig að kremtoppar geta ekki verið jafn háir og á öðrum kökum. Einnig er mjög takmarkað úrval af vegan kökuskrauti á markaðnum á Íslandi og erfitt að nálgast slíkt.